شعر وخواطر
 
الرئيسيةبحـثالمجموعاتالتسجيلدخول

شاطر | 
 

 بطلت أكتب قصايد

اذهب الى الأسفل 
كاتب الموضوعرسالة
hassan
Admin
avatar

المساهمات : 99
تاريخ التسجيل : 12/07/2016

مُساهمةموضوع: بطلت أكتب قصايد   الأربعاء أغسطس 10, 2016 5:17 pm

بطلت أكتب قصايد
...........................
بعدك خلاص
بطلت أكتب قصايد
بعدك مافيش
غير الحزن والألم
وحياه ماتسويش
حتي القلم
رفض يكتب لغيرك
ومرضيش
والقلب اللي طول عمره اسيرك
صان عهدك
وماخنكيش
والعين اللي دبلت من البكا
ولساني اللي يا ما شكي
من نار بعدك
صام عن الكلام
وماطوعنيش
انا كنت بكتب عشانك
وعشانك بس
كنت بعيش
دلوقتي أموت أعيش
مايهمنيش
بعدك
أنا مش أنا
أتغيرت ملامحي
كبرت مية سنه
ولو شوفتيني
ماتعرفنيش
أنا كنت فاكر
إني بعدك
ممكن أعيش عادي
وأعتبرك ذكري
أو ماضي
لكن حتي الذكري
ماسبتنيش
شايف طيفك
في كل مكان رحناه
سامع صوتك في قلبي صداه
سامع صرخة الوجع والاه
وازاي القلب ينسي حب
بالنسباله حياه
إنتي ماتتنسيش
صدقيني
مش قادر
امسك اعصابي
وأبطل تفكير
مش قادر
لما أشوفك
أمثل دور الضرير
أنا لما بقابك صدفه
ببقي نفسي أطير
أخدك في حضني
ونروح لأبعد جزيره
ونعيش قصه
من قصص الأساطير
أو ألف ليله وليله
ما تستغربيش
مجنون بحبك
وإنتي عرفاني
وعارفه جناني
وعارفه كمان
إنك ديمن وحشاني
بس في حاجات
كتير حيشاني
اعذريني
ماكنش بيدي
الزمن والظروف
كانوا ضدي
اتفقوا علي دبح قلبي
بس قلبي كان ضعيف
ماقبلش التحدي
واعمل أيه
في حب ملوش حد
اجبرني اتجاهل
كل نساء الارض
واعاهد روحي
أن يبقي حبك
نسك وفرض
وإن خنت العهد
قيمي عليا الحد
يا اجمل ما في الكون
يا عطر الورد
وعبير مزارع الليمون
فعشقي مختلف
عن كل العشق
اللي شفته
واللي سمعته
هو نوع من الأدمان
وانا أدمنته
كاس عذاب
وأنا شربته
هو الجنون
وانا جربته
ما يغركيش هدوئي
أنا بطبعي هادي
بس جوايا نيران
مهما طال بعادي
ما تنطفيش
......................
بقلمي ( حسن الذاكــــــــــي )

http://hamasatdamad.com/vb/showthread.php?t=101059
http://www.alsh3r.com/poem/61522
الرجوع الى أعلى الصفحة اذهب الى الأسفل
http://alzake17.forumegypt.net
 
بطلت أكتب قصايد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
همسات جنوبية  :: °∙•●.¦همسات أدبية وشعر¦.●•∙° :: ₪•∙ همسات الخواطر ∙•₪ :: اشعار وخواطر الشاعر حسن الذاكي-
انتقل الى: