لــــــــــن انساكِ

Admin المساهمات : 114 تاريخ التسجيل : 12/07/2016

لن انساكِ
...........
فاكره لما تبعدي انساكِ و اسلم
مش حكتب شعر ليكي واتكلم
يا ريت كان بايدي
بس غرامك دم في وريدي
عارف بعدك ضعف منك
عارف ان حبك ليا غصب عنك
مهما دريتي باين في عنيكي
من هروبك من ردودك
من رعشه ايديكي
كل حاجه فيكي
بتقول بحبك
حتي صمتك وسكوتك
بيصرخ باعلي صوتك
بحبك
خليكي علي عنادك
خليكي في عذابك
ان كان عليا
اتعودت علي غيابك
عايش درويش في رحابك
عابر سبيل علي بابك
خايف عليكي
يضيع الحب بايديكي
وترجعي تندمي لما يعدي العمر
وسنين شبابك تمر
وساعتها تعرفي ايه طعم المر
وتبصي حواليكي
تلقي نهارك زي لياليكي
مفيش امل ولا جديد
غير الذكريات والملل
هما صديقك الوحيد
...............
بقلمي ""حسن الذاكــــــــــــــــــــــــــي
https://www.alsh3r.com/poem/55331

» وكيف انساكِ..