أأه يا زمـــــن......

Admin المساهمات : 114 تاريخ التسجيل : 12/07/2016

أأه يا زمـــــن
"""""""""""
أه يا زمن
كل حاجه فيك بتمن
الحب والإحساس
والكلام بين الناس
بتمن
الطيبه بقت عيبه
والخاين يؤتمن
كله هان
الضحكه الصافيه
والمشاعر الدافيه
كانت زمان
والموده و الاحترام
في خبر كان
ناس قلوبها حجر
مفهاش حنيه
تشفهم تقول بشر
بس هما ولاد جنيه
بميت وش
من غير تعب
تجيب القرش
وناس غلابه
ملهاش في الغش
شقيانه طول اليوم
ويدوب تكمل
عشاها نوم
أه يا زمن الهموم
الأصيل فيك محروم
والضعيف مظلوم
زمن معكوس
الكل بالفلوس
الضمير والأنسان
والتفوس
وبالفلوس تدوس
علي كل شيء
يبقي الظالم بريء
عايشين في غابه
تعابين وديابه
تنهش في الغلابه
ومهما ياخدوا
عايزين زياده
دنيا سوق
العالي تحت
والواطي فوق

"""""""""""""""
بقلمي (حسن الذاكـــــــــــي)

***
http://hamasatdamad.com/vb/showthread.php?t=92947
http://www.alsh3r.com/poem/65321